असार ३ काठमाण्डौ । अमेरीकाले एसपीपीमा सहभागी हुन नेपालले आफैले दुई पटक पत्र लेखेकाले स्वीकृति दिईएको स्पष्ट पारेको छ । प्रधानमन्त्री केपी शर्मा ओली प्रधानमन्त्री भएकै बेला तात्कालिन सेनापति राजेन्द्र क्षेत्रीले पत्राचार गरेको पाईएको छ ।
यही पत्राचारपछि अमेरीकाको एक राज्यको नेसनल गार्डसँग नेपाली सेनाको सहकार्यको बारेमा उल्लेख गरिएको थियो ।
अहिले प्रधानमन्त्री र प्रधानसेनापतिको अमेरीका भ्रमणका क्रममा त्यस विषयमा सम्झौता हुने हल्ला पछि चौतर्फी बिरोध भएको थियो ।
यही बिरोधपछि सरकारले त्यस्तो सम्झौता नगर्ने स्पष्ट पारेको छ भने अमेरीकाले पनि सम्झौता नगर्ने भए नेपालले पत्राचार गरेर सहभागीता समाप्त गर्न सक्ने स्पष्ट पारेको छ ।
काठमाडौंस्थित अमेरिकी दूतावासका नियोग उपप्रमुख मानुअल मिकलरले पनि सन् २०१५ र २०१७ मा एसपीपीमा सहभागी हुन नेपालले आवेदन दिँदा यहाँको नागरिक, सरकार र सेनासँग खुला छलफल गरिएको बताएका छन् ।
उनले पत्रकार सम्मेलनमा यसमा सहभागी हुन नचाहे नेपालले पत्र लेखेर सहभागीता रद्ध गर्न सक्ने बताए ।
९० वटा देश यस्तो पार्टनरसिपमा सहभागी रहेको र बेलारुसले पत्र लेखेर यो सम्झौताबाट बाहिरिएको थियो ।
