असार २ काठमाण्डौँ । हालै अमेरीकाको सैन्य रणनीतिसँग जोडिने खालको स्ट्राटेजिक पार्टनरसिप कार्यक्रम ( एसपीपी ) सम्झौताका लागि पूर्व प्रधानमन्त्री केपी शर्मा ओलीको पालामा अमेरीकालाई पत्राचार भएको खुलासा भएको छ ।
ओली प्रधानमन्त्री रहेका बेला २०७२ सालमा तात्कालीन प्रधानसेनापति राजेन्द्र क्षेत्रीले पत्राचार गरेको पाईएको हो ।
तत्कालिन प्रधानसेनापति क्षेत्रीले नेपालस्थित तत्कालिन अमेरिकी राजदूत अलाइना बी टेप्लिजलाई औपचारिक पत्र नै लेखेर नेपाल सरकारको तर्फबाट एनजीएसएसपी कार्यक्रममा निकट भविष्य नै सामेल हुन इच्छुक रहेको स्पष्ट पारेको पत्रमा लेखिएको छ ।
अहिले ओली नेतृत्वको एमालेले संसदमै एसपिपिको बारेमा सार्वजनिक हुनु पर्ने माग राखेको छ । उता नेपाली सेनाले पनि वक्तव्य नै जारी गरी एसपिपि सम्झौताका लागि सेनाले प्रकृयामा नरहेको र यस्तो सम्झौता गर्न नहुने सुझाव समेत दिएको छ ।
हालै अमेरीकी सैन्य कमाण्डरको नेपाल भ्रमण लगत्तै प्रधानमन्त्री देउवा र प्रधानसेनापतिले अमेरीका भ्रमण गर्न लागेका बेला विवादीत सैन्य सम्झौताका बिरुद्ध चर्को आवाज उठिरहेको छ ।
