असार १ काठमाण्डौँ । नेकपा एमालेका नेता घनश्याम भुषालले एसपीपी सम्झौता मार्फत अमेरीकाले नेपालमा चीन बिरुद्ध अर्को खम्पा विद्रोहको मञ्चन गरीरहेको दावी गरेका छन् ।
२०३२ सालमा चीन बिरुद्ध अमेरीकाले गराएको खम्पा विद्रोह असफल भएकाले अहिले फेरी त्यसलाई दोहोर्याउने मञ्चनको तयारी अमेरीकाले गरीरहेको छ, होसियार रहनु पर्छ उनले भने ।
उनले एसपीपी मार्फत चीनका नाका छेउमा बिषालु सर्पले फाँ फाँ फुफु गर्ने र चीनले पनि केही प्रतिकार थाल्दा नेपालको अवस्था युक्रेनको जस्तो हुने भन्दै संवेदनशील हुन अपील गरेका छन् ।
राजधानीमा आज आयोजित एक कार्यक्रममा भुषालले प्रचण्ड र केपी ओलीको गोप्य सम्झौताका कारण कम्युनिष्ट एकता टिक्न नसकेको भन्दै अझै पनि एक हुने वा सत्यानास हुने भन्ने विकल्प रहेकाले एकतावद्ध हुनु पर्ने बताए ।
काँग्रेसले अमेरीकाबाट सेना ल्याउछु भन्दै तर्साउदै कम्युनिष्टको तेलले कम्युनिष्टलाई नै धुलाएर शासन गरीरहेको भन्दै भुषालले यो अवस्थाको अन्त्य हुनु पर्ने र प्रचण्ड पनि त्यसतर्फ सकारात्मक रहेको दाबी गरे ।
