जेठ ३१ हेटौडा । काठमाण्डौँ महानगरपालिकाका स्वतन्त्रबाट निर्वाचित मेयर बालेन शाह सरकारले आयोजना गरेको दुई दिने कार्यक्रम छाडेर हिँडेका छन् ।
हेटौडामा शुरु भएको स्थानीय तह संचालन, योजना तथा कार्यन्वयनको समग्र प्रक्रियाका बारेमा नवनिर्वाचित जनप्रतिनिधिका लागि बागमती प्रदेश सरकारले २ दिने अभिमुखीकरण कार्यक्रम उद्घाटनपछि फोहोरको बिषयमा आलोचना भएपछि मेयर शाह काठमाण्डौँ फर्किएका थिए । उनीसँगै उपमेयर सुनिता डंगोल पनि फिर्ता भईन् ।
कार्यक्रममा प्रदेशका मन्त्री एवं धादिगं क्षेत्र नं १ का प्रदेश सांसद शालिकराम जमरकट्टेलले काठमाण्डौको फोहोरले धादिगं र नुवाकोटका जनतालाई असर गरेको भन्दै त्यो नसहने प्रतिकृया दिए लगत्तै शाह हिँडेका थिए ।
प्रदेश सरकारले सोमबार र मंगलबारका लागि गरी २ दिन प्रदेशका १३ जिल्लाका प्रमुख र उपप्रमुखहरुलाई अभिमुखीकरण कार्यक्रम आयोजना गरेको हो ।
एउटा पालिकाले अर्को पालिकामा हस्तक्षेप गर्न नपाउने भन्दै जमकट्टेलले काठमाण्डौँ महानगरपालिकाले अब फोहोर आफ्नै पालिका भित्र गर्नु पर्ने बताएका थिए ।
काठमाण्डौँ फर्किएपछि शाहले सामाजिक सञ्जालमा गालीगलौजको कार्यक्रम भन्दै प्रदेशको कार्यक्रमप्रति टिप्पणी गरेका छन् ।
