काठमाडौं जेठ २१। नेपाली कांग्रेसका वरिष्ठ नेता रामचन्द्र पौडेलले जनतालाई हेपेर निर्णय गर्दा कांग्रेसले काठमाण्डौँ महानगरपालिकाको नेतृत्व लिने अवसर गुमाएको बताएका छन् ।
वरिष्ठ नेता पौडेलले नेपाली कांग्रेस र नेकपा एमालेले जनताले चाहेको विपरीत उम्मेदवार खडा गरी जनतालाई हेपेको ले नै लौरोले चुनाव जितेको बताए ।
आज सञ्चारकर्मीहरुसँग कुरा गर्दै पौडेलले काँग्रेस र एमालेबाट अघि सारिएका दुबै उम्मेद्धारहरु कार्यक्षमताका हिशाबले समय सकिसकेको भए पनि त्यसलाई नेताहरुले वेवास्ता गर्दा यो परिणाम आएको बताए ।
वरिष्ठ नेता पौडेलले आफूले कामनपा प्रमुखको उम्मेदवारका रूपमा महिलामा हरिप्रभा खड्गी र पुरुषमा तीर्थमान डंगोललाई अघि सारे पनि निर्णायकले नमान्दा राजनीतिक दल हार व्यहोर्न बाध्य भएको दाबी गरे ।
नेपाली कांग्रेसको नेतृत्व पंक्तिले वंशवादको आधारमा उम्मेदवारी दिएको भन्दै उनले जनताले त्यसको सजाय नेताको टाउकोमा लौरो लगाइदिएको टिप्पणी गरे ।
