जेठ १८ काठमाण्डौँ । नेकपा माओवादी केन्द्रका अध्यक्ष प्रचण्डले एमाले जस्तो दम्भ र अहंकार नदेखाउन आग्रह गरेका छन् ।
अंहकार र दम्भले देश र जनताको भलो नगर्ने भन्दै यदी अहंकार पलाए एमालेलाई जस्तै ठेगान लगाउने चेतावनी पनि प्रचण्डले दिए ।
आज माओवादीबाट निर्वाचित देशभरका जनप्रतिनिधिहरुलाई प्रशिक्षण दिँदै प्रचण्डले
काँग्रेसले दम्भ र अहंकार देखाएमा ठेगान लगाउन नपरोस् भन्दै चेतावनी दिए ।
आफू अझै पनि यो गठबन्धनलाई निरन्तरता दिएर अगाडी जाने पक्षमा रहेको उनले स्पष्ट परे ।
देउवा प्रधानमन्त्री भईराख्नुस् केही छैन तर माओवादीलाई ठेगान लगाउछौँ संघ र प्रदेशको चुनावमा भन्ने सोचिएमा भने काँग्रेसलाई ठेगान लगाउने दिन आउन सक्ने प्रचण्डको भनाई छ ।
एक प्रसंगमा उनले काठमाण्डौँमा बालेन शाह र धरानमा हर्क साम्पाङको विजयले पार्टी र नेताहरुलाई नयाँ सबक सिकाएका पनि बताए ।
