जेठ १८ काठमाण्डौँ । स्थानीय सरकारलाई प्रभावकारी, जनउत्तरदायी बनाउन नेकपा माओवादी केन्द्रले आफूले जितेका सबै पालिका प्रमुख र उपप्रमुखलाई सत्ता सञ्चालनका बिषयमा प्रशिक्षण दिन शुरु गरेको छ । दुई दिने प्रशिक्षणको आज राजधानीको कुमारी फिल्म हलमा उदुघाटन भएको छ । देशभरबाट जितेका १२१ प्रमुख, १२८ उपप्रमुख र पार्टीका प्रदेश ईन्चार्ज सहईन्चार्जहरुलाई प्रशिक्षण दिन शुरु गरिएको हो ।
अध्यक्ष पुष्पकमल दाहाल ‘प्रचण्ड’ उद्घाटन सहित प्रशिक्षण दिएपछि बिहीबार वरिष्ठ नेता नारायणकाजी श्रेष्ठले समापन गर्ने कार्यक्रम रहेको छ ।
प्रशिक्षकको रुपमा अध्यक्ष प्रचण्डसहित वरिष्ठ नेता नारायणकाजी श्रेष्ठ, जनार्दन शर्मा, वर्षमान पुन, शक्तिबहादुर बस्नेत, गिरिराजमणि पोखरेल, उर्मिला अर्याल, देव गुरुङ, मुक्ति प्रधान लगायत नेताहरु छन् । विषय विज्ञको रुपमा लीलामणि पौडेल, मीनबहादुर श्रेष्ठ, डा रामकुमार फुयाल, शैलेन्द्र गिरी लगायत व्यक्तिलाई बोलाएको छ ।
यस अघि जितेका ५० प्रतिशत पालिकामा पराजय व्यहोरेका कारण यस पटक स्थानीय तहलाई थप सफल र प्रभावकारी बनाउन माओवादीले यो अभियान चलाएको हो ।
