जेठ १३ काठमाण्डौँ । अघिल्लो पटक एमालेले सत्ता चलाएको रहेको काठमाण्डौँ महानगरपालिका यस पटक मिश्रित अवस्थामा पुगेको छ । एमालेले मुख्य नेतृत्व गुमाए पनि उपमेयर पाएको छ । तर वडाहरुमा भने नेपाली काँग्रेसको बहुमत छ । उपमेयर सहित एमालेले १२ वडा वडामा जीत हात पार्दा काँग्रेसले १९ वटा वडा कब्जा गरेको छ ।
त्यसै गरी एमालेबाट विभाजित भएर बनेको एकीकृत समाजवादीले एउटा वडामा जीत हात पारेको छ ।
स्वतन्त्र मेयर, काँग्रेसको बहुमत र एमाले पनि उपमेयर सहित हस्तक्षेप गर्ने शक्तिमै हुँदा महानगरको सन्तुलन कसरी चल्ने हो त्यो हेर्न बाँकी छ ।
यही चुनावमा महानगरपालिकाको ३२ वटै वडामा माओवादीका कुनै पनि उम्मेद्धारले जीत हात पार्न सकेनन् । सदस्य समेत निर्वाचित हुन सकेका छैनन् ।
माओवादीले उपत्यकाको कुनै पनि पालिका प्रमुख जितेन भने केही उपप्रमुख र वडा अध्यक्ष अन्य पालिकामा जिते पनि काठमाण्डौँ महानगरमा भने क्लिन स्वीप भएको छ ।
