काठमाडौं, ९ जेठ । काठमाडौं महानगरपालिकामा सत्ता गठबन्धनलाई पछाडि पार्दै मेयरमा स्वतन्त्र उम्मेदवार बालेन्द्र साहले फराकिलो मतान्तर बनाएका छन्। आज बिहान सवा दश बजेसम्मको मतपरिणाम अनुसार बालेन्द्रले ४५ हजार ६१३ मत प्राप्त गरेका छन्। उनका निकटतम् प्रतिद्वन्द्वीका रुपमा रहेका सत्ता गठबन्धनबाट उम्मेदवार बनेकी कांग्रेसकी सिर्जना सिंहले २७ हजार १८३ मत प्राप्त गरेकी छन्।

बालेन्द्रले सिर्जनालाई १८ हजार ४३० मतान्तर बनाएर अग्रता कायम गरेका छन्। सिर्जनाले एमालेका उम्मेदवार केशव स्थापितलाई भने पछि पारेकी छन्। स्थापितले २६ हजार ३०९ मत प्राप्त गरेका छन्।

काठमाडौंमा उपमेयरमा भने सत्ता गठबन्धनभन्दा एमालेकी सुनिता डंगोल निकै अगाडि छिन्। सत्तारुढ गठबन्धनबाट एकीकृत समाजवादीका उपमेयरका उम्मेदवार रामेश्वर श्रेष्ठ फराकिलो मतान्तरले पछाडि परेका छन्।

‘अदालतबाट न्याय हुनेमा विश्वस्त छौँ, कांग्रेस हाम्रै रहन्छ’: निवर्तमान सभापति देउवा

पार्टीमै रहेर अन्य दललाई मत दिनेलाई कारवाही गरिने अध्यक्ष ओलीको चेतावनी

जनताको आशा र भरोसामाथि तुषारापात हुन दिँदैनौँः सभापति लामिछाने

चीन भ्रमणमा जाने रास्वपा प्रतिनिधिमण्डललाई रविको निर्देशन: ‘उद्देश्यमा केन्द्रित हुनुस्, आचारसंहिता पालना गर्नुस्’

मधेस प्रदेशका मुख्यमन्त्री यादवद्वारा पदबाट राजीनामा

चीन भ्रमणमा जानुअघि प्रधानमन्त्री बालेनसँग रास्वपा सांसदहरूको छलफल