चितवन, ५ जेठ । भरतपुर महानगर पालिकामा रेणु दाहाललको अग्रता कायम छ । पछिल्लो मतगणनाअनुसार मेयर पदकी उम्मेदवार रेणु दाहालले ४२ हजार ७५० गणना हुँदा १६ हजार ४८३ मत प्राप्त गरेकी छन ।
एमालेका मेयर पदका उम्मेदवार विजय सुवेदीले भने १३ हजार १९२ मत पाएका छन । दाहाल र सुवेदीको मतान्तर ३ हजार २९१ रहेको छ । यस्तै स्वतन्त्र उम्मेदवार जगन्नाथ पौडेलले ६ हजार ८०७ मत पाएका छन् ।
उपमेयरमा चित्रसेन अधिकारीले १९ हजार ६२ मत पाउँदा राप्रपाकी हिमला गुरुङले १० हजार ६०१ मत प्राप्त गरेकी छन ।
स्थानीय तह निर्वाचनमा भरतपुर महानगरपालिकामा एक लाख २७ हजार ८३९ मत खसेको थियो । भरतपुरमा सुवेदी र दाहालबिच प्रतिस्पर्धा देखिएको छ ।
रेनु दहालले वडा नम्बर ५ पछि फराकिलो मतान्तर कायम गरेकी छन् । गणना हुँदै गरेको वडा नम्बर १० सहित गणना हुने क्रममा रहेका ११ र १२ नम्बर वडामा पहिलाको निर्वचनमा एमालेका उम्मेदवारहरूले राम्रो मत पाउने गरेका थिए ।
