बिरगंज ३ जेठ । बीरगंज महानगरपालिका वडा नम्बर १ को वडा अध्यक्षमा जसपाका मनोज राउत कुर्मी विजयी भएका छन् ।
मङगलबार बिहान सार्वजनिक गरेको मतको नतिजा अनुसार जसपाका उमेदवार कुर्मीले आफ्नो वडामा बाजि मार्ने सफल भएको हो । निर्वाचन आयोगले मतगणनाको अन्तिम नतिजा प्राप्त गरे संगै उनका प्रतिद्वन्द्वी नेपाली काङ्ग्रेसका ओमप्रकाश गुप्तालाई पराजित गरेका हुन ।
कुर्मीले ८५२ मत पाएसंगै वडा अध्यक्षमा निर्वाचित भएका छन् ।
उनका निकटतम प्रतिद्धन्द्धी नेपाली काँग्रेसका ओमप्रसाद गुप्ताले ७३३ मत मात्रै प्राप्त थियोे । वडा नम्बर १ मा कुल ३१०८ मत खसेको निर्वाचन आयोगले जनाएको छ।
यसअघि नेपाली काँग्रेसकै कार्यकर्ता रहेका कुर्मी , मनोनयनको अन्तिम समयमा काँग्रेसले टिकट नदिएपछि जसपामा प्रवेश गरि जसपाबाट उम्मेदवारी दिएका हुन उनलेे २०७४ को निर्वाचनमा सो वडाबाट नेपाली काँग्रेसबाट निर्वाचित भएका थिए ।
वडा नम्बर १ को वडा अध्यक्षमा कुर्मी विजयी भएसंगै जसपाले महानगरमा दोश्रो जित हात पारेको छ । यसअघि बीरगंज महानगरपालिका वडा नम्बर ३२ को वडा अध्यक्षमा जसपाकै रियाज अहमद ठकुराई विजयी भएका थियो ।अहिले बीरगंज महानगरपालिका भित्र धेरै वडाहरु जपसाको पोल्टोमा पर्ने समभावना रहेको छ।
