काठमाडौं, ३ जेठ । जननेता मदन भण्डारी र जीवराज आश्रितको २९ औैं स्मृति दिवस आज, विभिन्न कार्यक्रम गरी मनाइदै छ ।
तत्कालीन नेकपा एमालेका महासचिव मदन भण्डारी र संगठन विभाग प्रमुख जीवराज आश्रितको २०५० साल जेठ ३ गते आजकै दिन चितवनको दासढुंगामा भएको जिप दुर्घटनामा निधन भएको थियो । सोही दिनको स्मरणमा नेकपा एमालेले हरेक वर्ष जेठ ३ गते विविध कार्यक्रम गर्दै आएको छ ।
मदन भण्डारीले प्रतिपादन गरेको जनताको बहुदलीय जनवाद ‘जबज’ को सिद्धान्त नेपालको कम्युनिष्ट आन्दोलनमा पृथक मानिन्छ ।
मदन–आश्रितको सम्झनामा नेकपा एमालेले हरेक वर्ष विभिन्न कार्यक्रम गर्दै आएको छ । एमालेबाट अलग्गिएर बनेको नेकपा एकीकृत समाजवादीले समेत कार्यक्रम गरी यो वर्ष मदन–आश्रित स्मृति दिवस मनाउँदैछ ।
२०५० साल जेठ ३ गते चितवनको कविलासस्थित दासढुंगामा जिप दुर्घटनामा परी भण्डारी र आश्रितको निधन भएको थियो भने चालक अमर लामा बाँच्न सफल भएका थिए । चालक लामाको २०६० सालमा हत्या भएपछि यो घटना झनै रहस्यमय बन्यो ।
मदनपत्नी विद्यादेवी भण्डारी हाल नेपालको राष्ट्रपति रहनुभएके छ भने एमाले र अन्य कम्युनिष्ट पार्टीबाट पटक पटक प्रधानमत्री हुँदा समेत दासढुंगामा भएको मदन–आश्रितको रहस्यमय जिप दुर्घटनाको अलिहेसम्म छानबिन हुन सकेको छैन् ।
आफु सरकारमा हुँदा बिर्सने र सरकार बाहिर हुँदा एमालेले दासढुंगा हत्याकाण्डको सत्यतथ्य बाहिर ल्याउनुपर्ने आवाज उठाउने गरेको छ ।
