भरतपुर, २ जेठ । भरतपुर महानगरपालिकामा गठबन्धन दल र नेकपा एमालेका उम्मेदवारबीच कडा प्रतिस्पर्धा देखिएको छ । ताजा मतपरिणाम अनुसार भरतपुर महानगरपालिकाको मेयरमा माओवादी केन्द्रकी रेणु दाहालले अग्रता कायमै राखेकी छन्।
१६ हजार १३३ मत गणना भर्यसक्दा रेणुले ५ हजार ३८२ मत प्राप्त गरेकी छन्। उनका प्रतिद्वन्द्वी नेकपा एमालेका विजय सुवेदीले ५ हजार ३६७ मत प्राप्त गरेका छन्। सुवेदी रेणुभन्दा १५ मतले पछाडि छन्।
स्वतन्त्र उम्मेदवार जगन्नाथ पौडेलले २ हजार ५७७ मत प्राप्त गरेका छन्।
उपप्रमुखमा कांग्रेसका चित्रसेन अधिकारी ६ हजार ५०४ र राप्रपाकी हिमला गुरुङले ४ हजार ३४५ मत प्राप्त गरेकी छन्।
वडा अध्यक्षमा कांग्रेसका अर्पण पोखरेलले १ हजार ९८६ मत प्राप्त गरेका छन्। एमालेका भानुभक्त सापकोटाले १ हजार २९५ मत प्राप्त गरेका छन्। राप्रपा उम्मेदवारले ७१७ मत पाएका छन्।
