जाजरकोट , ३१ वैशाख । जगदुल्लामा गाउँपालिका अध्यक्षमा नेकपा माओवादी केन्द्रका नारसिं रोकायले ६२२ भोट ल्याएर विजय भएका छन् । एमाले, कांग्रेस र समाजवादीको गठबन्धनलाई पराजित गर्दै माओवादीका रोकाय विजयी बनेका हुन् ।

उनको प्रतिद्वन्द्वी नेकपाा एमालेका हेमबहादुर महताराले ५८५ भोट ल्याएर परिजित भए । त्यस्तै उपध्यक्षामा माओवादी केन्द्रकै अमृता लामा बोहरा ७५९ विजयी भए भने एमालेको चन्द्रवती थापाले ७४९भोट ल्याएर पराजित भइन् ।

उपाध्यक्षमा निर्वाचित बोहराले ७ सय ५९ मत ल्याउँदा एमालेकी चन्द्रावती थापाले ७ सय ४९ मत ल्याइन् ।

६ वडा रहेको यस गाउँपालिकाका २ वडा माओवादी केन्द्रले जितेको छ भने ४ वडा गठबन्धनले जितेको छ । एमालेले १, ३ र ६ नम्बर वडा जितेको छ भने माओवादी केन्द्रले ४ र ५ नम्बर वडा जितेको छ । २ नम्बर वडा कांग्रेसले जितेको छ । १ हजार ६ सय ९६ मतदाता रहेको जगदुल्लामा १ हजार ५ सय ३६ मत खसेको थियो । रोकाय २०७४ सालमा पनि अध्यक्षमा निर्वाचित भएका थिए ।

यसैबीच शुक्रबार सम्पन्न स्थानीय तहको निर्वाचनको मतगणना जारी रहेको छ । पछिल्लो ताजा मतपरिणम अनुसार नेकपा एमाले ६ वटा पालिकामा विजयी भएको छ भने नेपाली कांग्रेस ३ पालिकामा विजयी भएको छ । त्यस्तै नेकपा एकीकृत समाजवादी २ वटा पालिकामा र नेकपा माओबादी केन्द्र १ पालिकामा विजयी भएको छ ।महानगरपालिका,उपमहानगर पालिका र नगरपालिकामा भने मेयर र उपमेयर पदमा अहिलेसम्म कसैले जितिसकेको छैन ।

हेर्नुहोस् हालसम्म विजयी बनेकाको सूचीः

नेकपा एमालेले जितेका गाउँपालिका अध्यक्ष

१.लोकन्द्र बहादुर घले – चामे गाउँपालिका, मनाङ

२.छोम्पेल बिष्ट – लोघेकर दामोदरकुण्ड गाउँपालिका मुस्ताङ

३.धावासम्डुक गुरुङ (निर्विरोध) – से–फोकसुण्डो गाउँपालिका, डोल्पा

४.रिङजिन नामगेल गुरुङ – वारागुङ मुक्तिक्षेत्र गााउँपालिका

५.कान्छा घले – मनाङ, डिस्याङ गाउँपालिका

६.टसी न्हर्वु – लोमान्थाङ गाउँपालिका, मुस्ताङ

एमालेले जितेका गाउँपालिका उपाध्यक्ष

१.मेङमर फुन्चो लामा (निर्विरोध)– नार्पा भूमि गाउँपालिका, मनाङ

२.छिरिङ ल्होमो गुरुङ – लोघेकर दामोदरकुण्ड गाउँपालिका, मुस्ताङ

३.कर्मढुण्डुप गुरुङ (निर्विरोध) –छार्का तोङसोङ गाउँपालिका, डोल्पा