वैशाख ३१, काठमाडौँ । काठमाडौं महानगरपालिकाको मतगणना शनिबार हुने भएको छ ।मतगणनाबारे निर्णय लिन बसेको सर्वदलीय सर्वपक्षीय बैठकले शनिबार विहान ८ बजेबाट मत गन्न थाल्ने निर्णय गरेको हो ।
शनिबार बिहान ८ बजे मतगणना गर्ने सर्वदलीय बैठकले निर्णय गरेको विवकेशील साझा पार्टीकी मेयर उम्मेदवार समीक्षा बाँस्कोटाले जानकारी दिइन् ।
राष्ट्रियसभा गृहमा संकलन गरेलगत्तै सर्वदलीय बैठक बसेको थियो । एउटा दलले हरेक बुथमा एक जना प्रतिनिधि राख्न पाउने र स्वतन्त्र उम्मेदवारहरुको तर्फबाट ५ जना रहने निर्णय गरेको छ ।
काठमाडौंमा ३ लाख २४२ मतदाता छन् । तर, करिव ५२ प्रतिशत मात्र मत खसेको निर्वाचन आयोगको प्रारम्भिक अनुमान छ ।
यसपटकको निर्वाचनमा मेयर पदका लागि नेकपा एमालेबाट केशव स्थापित, नेपाली काँग्रेसबाट सिर्जना सिंह र स्वतन्त्र उम्मेदवार बालेन साहलाई मुख्य प्रतिस्पर्धी मानिएका छन् ।
