काठमाडौं, ३१ वैशाख । स्थानीय तह निर्वाचनअन्तर्गत काठमाडौं र भरतपुर महानगरपालिकामा मतगणनाको तयारी भइरहेको छ।
मतगणनाको तयारी गर्न काठमाडौंमा मध्यराति १२ बजे सर्वदलीय बैठक सुरु भएको छ। राति ९ बजे नै सर्वदलीय बैठक बसेर गणना सुरु गर्ने भनिए पनि तीन घण्टापछि मध्यराति १२ बजेपछि बैठक बसेको हो।
काठमाडौं महानगरपालिकामा मुख्य निर्वाचन अधिकृतले सर्वदलीय बैठकका लागि दलका दुई जना प्रतिनिधि उपस्थित हुन राष्ट्रिय सभागृहमा आह्वान गरेका थिए। लगत्तै दलका प्रतिनिधि उपस्थित भएपछि बैठक सुरु भएको बताइएको छ। बैठकको साझा निर्णयपछि मतगणना सुरु हुनेछ।
त्यसैगरी भरतपुरमा राति ९ बजे बोलाइएको सर्वदलीय बैठक १२ बजेतिर सुरु भएको छ। मतगणनास्थलमा बसेको बैठकबाट गणना कसरी सुरु गर्ने निर्णय हुनेछ।
काठमाडौंमा ३ लाख २४२ मतदाता छन् । तर करिव ५२ प्रतिशत मात्र मत खसेको निर्वाचन आयोगको प्रारम्भिक अनुमान छ ।
