बैशाख २१ चितवन । प्रचण्डले धोका दिएको , बैद्यले क्रान्ति गर्न नसकेको र आफूले अब एकीकृत जनक्रान्ति गरेर समाजवाद ल्याउने भन्दै पार्टी बनाएका नेत्र विक्रम चन्द विप्लवलाई उनकै पार्टीले आज कार्बाही गरेको छ ।
हिशात्मक गतिविधि पछि ७७ साल फागुण २१ मा सरकारसँग तीन बुदे सहमति गरेका विप्लवले अन्ततः पार्टीलाई चुनावमा सहभागी गराउदै आफू निकटका मान्छेलाई धमाधम मैदानमा उतारेपछि असन्तुष्ट बनेका धर्मेन्द्र बास्तोला र हेमन्त प्रकाश ओली नेतृत्वको समुहले विप्लवलाई महासचिवबाट पदमुक्त गरेको हो ।
चुनावमा भाग नलिने तर देशभक्त उम्मेद्धारलाई सहयोग गर्ने भनिए पनि विप्लवले आफू निकट मान्छेलाई उम्द्धार बनाउदै पठाएपछि पार्टी भित्र विवाद शुरु भएको थियो ।
सो समुहको चितवनमा भएको भेलाले विप्लवलाई कार्बाही गर्ने क्रममा पार्टीको केन्द्रीय समितिको ४० भन्दा बढी सदस्य सहभागी भएको पनि दाबी गरिएको छ ।
विप्लवलाई कार्बाही गरेपछि पार्टीको संयोजक धमेन्द्र बास्तोलालाई बनाईएको छ ।
केही दिन अघि मात्रै विप्लवले वास्तोला र ओलीलाई कार्बाही गरेको घोषणा गरेका थिए ।
