बैशाख १२ काठमाण्डौँ । पाँच दलीय गठबन्धनको बैठकले देशभर साझा उम्मेद्धार बनाएर जाने निर्णय गरेको छ ।
आज बालुवाटारमा बसेको शीर्ष नेताहरुको बैठकले देशैभरी साझा उम्मेद्धार बनाएर जाने, स्थानीय स्तरमा देखिएका असमझदारीलाई हटाउने र कसैले बागी वा स्वतन्त्र उम्मेद्धारी दिएको भए फिर्ता लिन लगाउने पनि निर्णय गरेको सञ्चारमन्त्री ज्ञानेन्द्र कार्कीले जानकारी दिए ।
यसै गरी दलहरुको आ आफ्नो संयन्त्र मार्फत देशभरी नै गठबन्धनका उम्मेद्धार जिताउन लागि पर्न पनि बैठकले निर्देशन दिएको छ ।
उनले भने, ‘स्थानीय निकायमा पाँच दलले खडा गरेका उम्मेदवारहरूलाई एकताका साथ निर्वाचित गराउन सबैले आ–आफ्नो संयन्त्रमार्फत् आ–आफ्नो दललाई निर्देशन गर्ने निर्णय भएको छ । केही छुटफुट उम्मेदवारीहरु दर्ता भएपनि तिनीहरुलाई फेरि सहमती गरेर पाँच दलको एउटै उम्मेदवारहरू देशभरी हुनेछन् ।’
