बैशाख १२ काठमाण्डौँ । आसन्न बैशाख ३० गते हुने निर्वाचनका लागि आज मनोनयन गर्ने अन्तिम दिन देशभरका सबै पालिका प्रमुख सहित करीब ३६ हजार पदमा उम्मेद्धारी दर्ता हुँदैछ ।
हिजो करीब ११ हजार उम्मेद्धारले मनोनयन दर्ता गराएका थिए । गठबन्धन भित्र भागवण्डामा सहमति नभएका कारण हिजो धेरै जसो जिल्लामा ठूला दलको उम्मेद्धारी परेको थिएन । तर आज अनिवार्य साँझ ५ बजेसम्म मनोनयन गरीसक्नु पर्ने भएकाले गठबन्धनले पनि आज दिनभरीमा सहमति जुटाउने प्रयास गर्ने भएको छ ।
गठबन्धनले हिजो साँझ बैठक बसेर महानगर र उपमहानगर सहितमा भएको सहमति बिपरीत बागी उम्मेद्धारी दर्ता नगर्न र दर्ता गरेको भए फिर्ता लिन निर्देशन दिएको छ ।
तर पनि खास गरी काँग्रेस भित्र देखिएको असन्तुष्टी र विद्रोहले ठाँउ ठाँउमा गठबन्धन टुटने खतरा बढिरहेको छ ।
यता एमालेले पनि सबै तहमा उम्मेद्धारी टुंगो लगाउन सकेको छैन । पोखरामा एमालेले सिफारीस गरेको मेयर दिपक पौडेलमाथि सुनको सिक्री चोरेको भिडियो भाईरल बनेपछि पार्टीलाई संकट पैदा भएको छ भने उपमेयर मञ्जु गुरुगंले पनि आफू नउठ्ने भनेपछि पार्टीलाई अर्को संकट आईलागेको छ ।
