बैशाख ६ काठमाण्डौँ । चितवनको भरतपुर महानगरपालिका माओवादीको भागमा परेको छ । यस सम्बन्धि जानकारी दिँदै काँग्रेस सभापति एवं प्रधानमन्त्री शेर बहादुर देउवाले चितवन जिल्ला सभापति सहित काँग्रेसी नेताहरुलाई यस अघिका निर्णय सच्याउन निर्देशन दिएका छन् ।
चितवन सभापति राजेश्वर खनाल सहित बागमती प्रदेशका नेताहरुलाई बोलाएर प्रधानमन्त्री देउवाले अब विगतमा जिल्ला समितिले गरेको निर्णय सच्याउन निर्देशन दिँदै चुनावमा गठबन्धनको उम्मेद्धारलाई जिताउने गरी खट्न पनि निर्देशन दिए ।
काँग्रेस जिल्ला समिति र वडा कमिटिहरुले महानगर आफैले पाउनु पर्ने भन्दै ज्ञापन पत्र बुझाएका थिए ।
भरतपुर महानगर माओवादीलाई दिने , काठमाण्डौ सहित तीन महानगर काँग्रेसलाई दिने, बीरगञ्ज जसपालाई दिने निर्णय गठबन्धनले गरीसकेका छन् भने पोखरा महानगरपालिकाबारे निर्णय हुन बाँकी छ ।
अहिले जारी गठबन्धनको बैठकले यो निर्णय गर्दैछ ।
