बैशाख १ काठमाण्डौँ । नेकपा माओवादी केन्द्रका अध्यक्ष प्रचण्डले एमाले भित्र ८० प्रतिशत कार्यकर्ताहरु ईमान्दार कम्युनिष्ट रहेको बताएका छन् ।
आज खुमलटारमा माओवादी ध्रुवीकरण एवं एकता कार्यक्रममा बोल्दै अध्यक्ष प्रचण्डले तीन वर्ष एकता गरेको अवधिमा आफूले धेरै नेता कार्यकर्ता बुझेको भन्दै धेरै कार्यकर्ता ईमान्दार भए पनि नेतृत्व प्रतिगमनकारी प्रवृतिको भएकाले बन्दी भएको प्रचण्डको दाबी छ ।
सबै ईमान्दार कम्युनिष्टहरुलाई केन्द्रीत नगरी सच्चा समाजवाद आउन नसक्ने भन्दै गलत नेतृत्वको भ्रमबाट ती कार्यकर्तालाई पनि मुक्त गर्नु पर्ने आवस्यकता रहेको बताए ।
उनले हिजोका दिनमा माओवादी नफुटेको भए अहिले सम्म धेरै उपलव्धि हुने दाबी गर्दै सबै माओवादी र सबै ईमान्दार कम्युनिष्टहरुलाई केन्द्रीत गरेर समाजवादको यात्रामा जानु पर्ने बताए ।
उनले हिजोका दिनमा विभाजित भएर गएका सबै नेता कार्यकर्तालाई फर्किन पनि आग्रह गरे ।
आज सुदुरपश्चिबाट विभिन्न दलमा पुगेका माओवादी आन्दोलनका नेता कार्यकर्ताहरु ध्रुवीकृत भएका छन् ।
अब सुदुरपश्चिममा माओवादी फेरी पनि ६४ सालकै हाराहारीको अवस्थामा आउन लागेको पनि प्रचण्डले दाबी गरे ।
