काठमाडौं चैत्र २५ । नेकपा एमाले र राप्रपा नेपालबीच चुनावी तालमेलका बिषयमा छलफल शुरु भएको छ ।
कमल थापाले बुधबार पनि बालकोट पुगेर भेटवार्ता भएको थियो । कमल थापासँग घोषित गठबन्धन बनाउने र राजेन्द्र लिग्देनसँग अघोषित तालमेलको तयारीमा ओली रहेको स्रोतले बताएको छ ।
यस अघि अनौपचारीक रुपमा छलफल चलिरहेको सार्वजनिक भएका बेला एमाले अध्यक्ष केपी शर्मा ओली र राप्रपा नेपालका अध्यक्ष कमल थापाबीच सघन भेटवार्ता भएको हो । उनीहरुबीच बिहिबार नेपालगञ्जमा भेटवार्ता भएको हो ।
भेटमा आसन्न स्थानीय तह निर्वाचनमा चुनावी गठबन्धन गर्ने विषयमा छलफल भएको नेता रापप्रपा नेपालका नेता शशी भण्डारीले जानकारी दिए ।
भेटमा राप्रपा नेपालका उम्मेदवारले सूर्य चिन्हबाटै चुनाव लड्ने विकल्पमा पनि छलफल भएको थियो। यसै साताभित्र एमालेसँग गठबन्धनको मोडालिटी टुंग्याउने तयारी रहेको भण्डारीको भनाइ छ।
