चैत्र २३ काठमाण्डौँ । सत्तारुढ पाँच दलीय गठबन्धनले स्थानीय तह निर्वाचनका लागि गुल्मीमा भागबण्डा मिलाएका छन् ।
गुल्मी सदरमुकाम तम्घासमा बसेको गठबन्धनको बैठकले १२ पालिका मध्य ८ नेपाली काँग्रेस र चार माओवादी केन्दले लिने सहमति भएको छ । काँग्रेसको भागबाट एकीकृत समाजवादीको उपस्थिति बाक्लो भएको तह मध्य एक समाजवादीलाई दिईने छ । जिल्लामा दुई नगरपालिका सहित १२ स्थानीय तह रहेका छन् । जसपा र जनमोर्चालाई वडा र पालिका कार्यसमितिमा समेटेर लैजान पनि दलहरु सहमत भएका छन् ।
नेकपा माओवादी केन्द्र लुम्बिनी प्रदेश कमिटी अध्यक्ष सुदर्शन बरालले सत्ता गठबन्धनले गुल्मीका १२ पालिकामा चुनावी तालमेलका लागि भागबण्डा मिलाईएको बताए ।
कांग्रेस सभापति खिलध्वज पन्थीले पनि सत्ता गठबन्धनले पालिकाहरुको भागबण्डा टुङ्ग्याएको बताए ।
उनले कांग्रेसले ८ र माओवादीले ४ पालिका लिने सहमति भएको बताए। नेकपा एकीकृत समाजवादीको हकमा सम्मानजनक स्थान दिने सहमति भएको पन्थीले बताएका छन्।
