चैत्र १४ लिवाङ । नेकपा माओवादी केन्द्रका अध्यक्ष प्रचण्डले जनयुद्धको उद्गमथलो रोल्पा प्रतिगमन बिरुद्ध लालकिल्ला बन्ने बताएका छन् ।
आज लिवाङमा आयोजित चुनावी सभालाई संवोधन गर्दै उनले रोल्पाले जनयुद्धमा ठूलो भूमिका खेलेको र रेकर्ड बनाएको भन्दै शान्तिमा पनि र निर्माणमा पनि रेकर्ड बनाउने विस्वास व्यक्त गरे ।
उनले रोल्पाको विकासका लागि राष्ट्रिय समझदारी बन्नेमा आशा व्यक्त गर्दै केन्द्रबाट विकासका लागि आफूले पहल गर्ने आस्वासन पनि दिए ।
उनले प्रतिगमनको खतरा बनेपछि तयार भएको गठबन्धन आगामी निर्वाचन सम्म पनि जारी रहने र यसले चुनावमा नयाँ रेकर्ड बनाएर जानका लागि प्रयास भईरहेको बताए ।
सो कार्यक्रम अघि प्रचण्डले रोल्पामा निर्माण गरिएको जनयुद्ध टावरको उद्घाटन गरेका थिए । ६ करोडको लागतमा लिवाङ नगरपालिकाले निर्माण गरेको टावरमा हजार बढी शहीदहरुको नामा अंकित छ भने केहीको शालिक समेत बनेको छ ।
