चैत्र १३ काठमाण्डौँ । चीनीया विदेशमन्त्री वाङ यी ले माओवादी अध्यक्ष प्रचण्डलाई मेरियट होटलमा भेटे । त्यस भेटका बेला माओवादी अध्यक्षमा निर्वाचित भएकामा चीनीया कम्युनिष्ट पार्टी र राष्ट्रपति सि जिन पिङको तर्फबाट शुभकामना पठाएको वाङले जानकारी दिएका थिए । वाङले प्रचण्ड चीनको नजिकको असल मित्र भएको भन्दै प्रचण्डको प्रसंसा गरेका थिए ।
त्यसपछि दुबै देशबीचको सम्बन्ध थप सुदृढ पार्ने जस्ता विषयमा छलफल हुने क्रममा प्रचण्डले बेल्ट एण्ड रोड ईनिसिएटिभ ( बिआरआई ) का परियोजनाहरु कार्यन्वयमा पहल लिन आग्रह गरेका थिए ।
छलफलपत्रि पत्रकारहरुसँग कुरा गर्दै माओवादी नेता शक्ति बहादुर बस्नेतले चीनीया विदेशमन्त्रीले नेपालको दीर्घकालीन हितका लागि गर्ने निर्णयमा चीनको सम्मान रहने बताएका थिए ।
त्यस अघि एमाले अध्यक्ष ओलीले पनि बिआरआई कार्यन्वयन गर्न वाङलाई आग्रह गरेका थिए ।
