चैत्र ११ काठमाण्डौँ । प्रधानमन्त्री एवं काँग्रेस सभापति शेर बहादुर देउवाले गठबन्धन बिरुद्ध अभिव्यक्ति दिने नेताहरुलाई भोली निर्वाचन जितेर देखाउन सक्नु हुन्छ ? भन्दै चुनौती दिएका छन् ।
आजको केन्द्रीय समितिको बैठकमा गठबन्धन बिरुद्ध बोल्ने नेतालाई रुलिगं गर्दै सभापति देउवाले देशभरको सूचना आफूसँग रहेको भन्दै ख्याल गरेर मात्र बोल्न अपील गरे ।
सात प्रदेश सभापति मध्य प्रदेश १ र बागमतीका सभापतिले खुलेर गठबन्धनको पक्षमा धारणा राखे भने अन्यले मिश्रित धारणा राखेका छन् । कतिपयले गठबन्धन गर्नै नहुने धारणा राखेका छन् ।
गठबन्धनको पक्षमा बोल्ने नेताहरुले एमाले सोचे जस्तो कमजोर नभएको भन्दै सत्तारुढ दलहरुबीच गठबन्धन हुनु पर्ने पक्षमा आवाज उठाएका छन् ।
सभापति देउवा पनि गठबन्धनको पक्षमा रहेकाले काँग्रेसले यस विषयमा अनुकुल निर्णय गर्ने अनुमान गरिएको छ ।
