चैत्र ८ जनकपुर । नेकपा माओवादीका अध्यक्ष प्रचण्डले नेपालमा मधेशले जहिले पनि परिवर्तनको पक्षमा साथ दिएको भन्दै अझै पनि देशमा अनेक षड्यन्त्र रहेकाले त्यसलाई परास्त गर्नु पर्ने बताएका छन् ।
आज धनुषामा मधेश प्रदेश स्तरीय कार्यकर्ता प्रशिक्षणलाई संवोधन गर्दै उनले माओवादी बलियो भए मात्रै परिवर्तन विरोधी प्रतिक्रान्तिहरुलाई परास्त गर्न सकिने भन्दै मधेशबाटै जीतेर आफू दोस्रो पटक प्रधानमन्त्री भएको बताए ।
७० सालमा आफू काठमाण्डौबाट हारे पनि मधेशको सिराहाबाट जितेर प्रधानमन्त्री भएको प्रचण्डले उल्लेख गरे ।
१२ बुदे समझदारी र शान्ति सम्झौतापछि मधेश पुरै क्रान्तिमय भएको भन्दै उनले मधेशको यही तागतले प्रतिक्रान्तिकारीहरु पराजीत भएको भन्दै उनले अहिले पनि गणतन्त्र संभव छैन भन्नेहरु रहीरहेको र उनीहरुलाई तिनलाई देशी विदेशी प्रतिकृयावादीहरुले मलजल गरिरहेको दाबी गरे ।
अब आउने निर्वाचनमा मधेशमा माओवादी पहिलो शक्ति हुने गरी लाग्न सबै कार्यकर्ताहरुलाई निर्देशन पनि दिए ।
