चैत्र ८ जनकपुर । नेकपा माओवादी केन्द्रका अध्यक्ष प्रचण्डले आसन्न निर्वाचन जीत्न माओवादीलाई गठबन्धनको आवस्यकता नपर्ने बताएका छन् । देशभरको गतिविधि र रिपोर्ट हेर्दा पार्टीले आफ्नै खुट्टामा उभिएर निर्वाचन जीत्ने वातावरण बनेको भन्दै प्रचण्डले तर संविधान, लोकतन्त्र र राष्ट्रियताको रक्षाका निम्ती गठबन्धन जरुरी रहेको बताए ।
आज जनकपुर विमानस्थलमा पत्रकारहरुसँग कुरा गर्दै प्रचण्डले मन्त्रीमण्डल हेरफेर गर्ने कुरा चलेको भए पनि त्यो औपचारीक रुपमा तय भईनसकेको भन्दै माओवादीले काँग्रेस र एकीकृत समाजवादीका लागि त्याग गरेको र अब पुनर्गठन हुँदा माओवादीलाई आफ्नो हैसियत अनुसार सहभागी गराउन प्रधानमन्त्रीलाई आग्रह गरिएको बताए ।
उनले लोसपासँग गठबन्धन र सरकारमा सहभागीताबारे प्रधानमन्त्रीले कुराकानी गरीरहेको भन्दै तर गठबन्धन भित्र भने त्यो विषय औपचारीक रुपमा आईनसकेको बताए ।
जनकपुरमा पार्टी प्रशिक्षणका लागि अध्यक्ष प्रचण्ड, नारायणकाजी श्रेष्ठ, मातृका यादव सहितको टोली जनकपुर पुगेको हो ।
