चैत्र ७ काठमाण्डौँ । पछिल्लो समय नेकपा एमालेका अध्यक्षले निरन्तर निर्वाचन आयोगप्रति असन्तुष्टी जनाउदै आएका छन् । उनले काँग्रेसको हरियो रुखमय बनाउने गरी मतपत्रको रंग हरियो बनाईएको भन्दै आयोगप्रति खनिने गरेका छन् ।
पाँच दललाई एक्लैले पाखा लगाउने भन्दै आएका ओलीले सोमबार पोलिटब्युरो बैठकमा बोल्दै आयोगले मतपत्रको रङ बदल्ने, उम्मेदवारी मनोनयनको समय दुई दिन तोक्ने र उम्मेदवारी दिन पदाधिकारीहरुले राजीनामा दिनुपर्ने जस्ता प्रावधान राखिनु राम्रो लक्षण नभएको बताए ।
स्थानीय तहमा गठबन्धनको बर्चस्व नभएकाले जनप्रतिनिधिले पहिल्यै राजीनामा दिनु पर्ने प्रावधान राखिएको र त्यस बिषयमा एमालेसँग सल्लाह नगरेको भन्दै आयोगप्रति ओलीले असन्तुष्टी जनाए ।
अब तीन वटै तहमा बहुमत ल्याएर सरकार चलाउनु पर्ने भन्दै ओलीले त्यसको तयारी गर्न पार्टी पक्तिलाई निर्देशन पनि दिएका छन् ।
उनले गठबन्धनलाई पछारेर एमाले एक्लैले बहुमतको सरकार बनाउने पनि दाबी गरे ।
