फागुण २४ काठमाण्डौँ । प्रधानमन्त्री शेर बहादुर देउवा आगामी निर्वाचनमा गठबन्धन मैत्री हुने देखिएका छन् । उनले आज पार्टी कार्यलयमा भएको बैठकलाई संवोधन गर्दै चुनावी अभियान चलाउदा गठबन्धनका सदस्यहरुको चित्त दुख्ने कुरा नबोल्न समेत चेतावनी दिएका छन् ।
उनले विगतमा भएको निर्वाचनमा काँग्रेसको पोजिसनको बारेमा चर्चा गर्दै अहिले गठबन्धन बिरुद्ध नलाग्न निर्देशन दिएका हुन् ।
काँग्रेसमा संस्थापन ईतर शेखर कोईराला समुह गठबन्धन गरेर चुनावमा जान नहुने पक्षमा रहेका बेला देउवाको यो निर्देशन आएको हो ।
आजको छलफलमा घर घर जाऔँ, नेपाली काँग्रेसलाई जिताऔँ अभियान का बारेमा छलफल भएको एक नेताले जानकारी दिए ।
गठबन्धनकै आधारमा एमसीसी अनुमोदन हुन सफल भएको र अब यो गठबन्धन टुटे फेरी वाम गठबन्धन बन्न सक्ने र त्यसले काँग्रेसलाई खतरा पैदा हुने बुझेर देउवाले गठबन्धनमैत्री वातावरण बनाउन दिर्नेशन दिएको अनुमान गरिएको छ ।
