फागुण २४ काठमाण्डौँ । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले राष्ट्र निर्माणको अभिभारा आफ्नो दलको प्राथमिकता रहेको बताएका छन् । नेकपा एमाले गण्डकी प्रदेश कमिटिद्वारा आज पोखरामा आयोजित पार्टी प्रवेश कार्यक्रममा ओलीले एमालेका कार्यकर्ता पद तथा ओहोदाका लागि नभइ समाज निर्माणमा क्रियाशील हुनु पर्ने बताए ।
आफ्नो दल लोकतन्त्रको मूल्य मान्यता, स्वच्छता, पारदर्शीता आदिलाई आत्मसात् गर्दै अघि बढिरहेको छ भन्दै उनले एमालेको विचार, व्यवहार र निष्ठा अन्य पार्टीसँग तुलना गर्न नमिल्ने जिकिर गरे ।
उनले अहिलेको सरकार परमादेशको सरकार भएको र एमाले जनताबाट निर्वाचित जनादेशको शक्ति भएकाले अबको लँडाई यसैका बीचमा हुने ओलीले बताए ।
अहिलेको सरकार परमादेशको भएकाले यसका बिरुद्ध सक्रियता पूर्वक लाग्न कार्यकर्तालाई ओलीले निर्देशन दिए ।
