फागुण २३ काठमाण्डौँ । नेकपा माओवादी केन्द्रले पार्टी भित्रको मतभेदलाई थाँती राख्दै आँउदो जेठ २० पछि बैठक बसेर समस्याको समाधान गर्ने तर त्यस अघि सबै पक्ति स्थानीय चुनावको तयारीमा लाग्नु पर्नेमा जोड दिएको छ ।
अहिले राष्ट्रिय सभागृहमा जारी बैठकमा अध्यक्ष प्रचण्डले एमसीसी अनुमोदनका बिषयमा वरिष्ठ नेता नारायणकाजी श्रेष्ठले राखेको फरक मत, कृष्ण बहादुर महरा , देव गुरुङ र लिलामणि पोखरेलले राखेको नोट अफ् डिसेन्टका बिषयमा समेत आफ्नो धारणा राख्दै यसलाई पार्टीमा दर्ज भएको स्वीकार्ने र अर्को केन्द्रीय समितिको बैठकमा बिस्तृत छलफल गर्न प्रस्ताव राखेका हुन् ।
अहिले अब चुनाव आईहाल्यो, जेठ १५ मा बजेट आँउछ त्यसो हुँदा जेठ २० पछि बैठक गरौँ र सबै छलफल गरेर जाऔँ , प्रचण्डले आव्हान गरेका छन् ।
त्यसैमा आधारीत भएर निष्कर्ष निकाल्ने र अहिले अध्यक्ष मात्रै राखेर पदाधीकारी चयन समेत पछि गर्ने गरी टुंगो लगाउने तयारी भएको एक केन्द्रीय सदस्यले जानकारी दिए ।
