फागुण २० काठमाण्डौँ । नेकपा माओवादी केन्द्रको केन्द्रीय समितिको बैठक आज शुरु हुँदैछ । राष्ट्रिय सभागृहमा ११ बजेदेखि बैठक शुरु हुने माओवादीले जनाएको छ । बैठकका लागि सबै जसो केन्द्रीय सदस्य उपत्यकामा आईसकेका छन् ।
महाधिवेशन र संसदीय दलको निर्णय विपरीत एमसीसी अनुमोदन गरेको भन्दै नारायणकाजी श्रेष्ठ सहितका नेताहरुले पार्टी भित्र असन्तुष्टी जनाउदै आएका छन । उनीहरुले लिखित रुपमै असहमति राख्ने र गंभीर छलफल चलाउने तयारी गरेका छन् ।
बैठकको मुख्य एजेण्डा पदाधीकारी चयन र स्थानीय तहको निर्वाचन भए पनि एमसीसी ब्याख्यात्मक घोषणा सहित अनुमोदनको बिषयमा नेताहरुले राख्ने असहमतिका बिषयमा समेत छलफल हुने एक नेताले बताए ।
गत पुषमा सम्पन्न महाधिवेशनले २४७ केन्द्रीय सदस्य चयन गरेपनि अझै पनि पदाधीकारी चयन हुन सकेको छैन ।
पदाधीकारीमा मुख्यगरी महासचिवमा जनार्दन शर्मा र बर्षमान पुनबीच प्रतिस्पर्धा छ ।
