फागुण १८ काठमाण्डौँ । रुस र युक्रेनबीच एक सातादेखि जारी युद्धका बीच छिमेकी मुलुक चीन र भारत समेत तठस्त रहेका बेला नेपालले सक्रियता देखाएको छ । नेपालले राष्ट्रसंघीय मानव अधिकार परिषद्मा युक्रेनको पक्षमा मतदान गरीसकेको छ ।
त्यसै गरी प्रधानमन्त्री देउवाले अमेरीकी विदेशमन्त्री ब्लिन्कनसँग छलफल गरेका छन् ।
हिजो साँझ टेलिफोनमा ब्लिन्कनले देउवासँग कुराकानी भएको ट्वीटर मार्फत जानकारी दिएका छन् ।
‘रूसले युक्रेनमाथि गरेको आक्रमण र युक्रेनको सार्वभौम सत्ता र भौगोलिक अखण्डताप्रति हाम्रो समर्थनबारे प्रधानमन्त्री देउवासँग कुराकानी भयो,’ ट्वीट गर्दै उनले भनेका छन्, ‘हामी आर्थिक विकास र क्षेत्रीय चुनौतीको सामना गर्न मिलेर काम काम गर्नेछौं।’
संसदबाट एमसीसी पास भएपछि प्रधानमन्त्रीले अमेरीकी अधिकारीसँग कुराकानी गरेका हुन् ।
राष्ट्रसंघमा नेपालका प्रतिनिधिले वार्ता मार्फत समस्याको समाधान गर्न दुबै देशलाई अनुरोध समेत गरेको छ ।
