काठमाडौँ फागुण ९ । नेपाली काँग्रेसका प्रवक्ता डा. प्रकाशशरण महतले काँग्रेस एमसीसीको समर्थमा रहेको र पारित गराउन लागि पर्ने बताएका छन् । आज आयोजित पत्रकार सम्मलेनमा प्रवक्ता महतले एमसीसी अनुदान सहयोग भएको दावी गर्दै यसलाई पारित गर्नुको विकल्प नभएको बताए ।
एमसीसी स्वीकार गर्दा अमेरीकी सेना आँउछ भनेर नियोजित रुपमा हल्ला भईरहेको भन्दै महतले त्यो गलत भएको बताए ।
नेपालले आफै निवेदन दिएर यो परियोजना लिएको भन्दै अहिले धेरै पटक झुट्टो बोलेर त्यसलाई सत्य बनाउन खोजिएको भन्दै सबै दल र मन्त्रीहरु सक्रिय भएरै यो सम्झौता संभव भएको उनको भनाई छ ।
एमसीसी पारित गराउन चीनले भने जस्तो दबाब अमेरीकाबाट नआएको महतले दाबी गरे । नेपाल सार्वभौम मुलुक भएकाले कसैको पनि दबाबमा नपर्ने महतले स्पष्ट पारे ।
एमसीसी पास गर्न एमालेले सहयोग गर्ने महतले विस्वास व्यक्त गरे । ओलीजीले एमसीसी ससद्मा दर्ता गर्नुभएको थियो । उहाँले नै टुंगोमा पुर्याउनु हुन्छ भन्ने थियो । तर सक्नुभएन । अब हामीले संसद्मा पुर्याएका छौँ। सहयोग गर्नुहुन्छ भन्ने विश्वास छ। उहाँले आफैले दर्ता गरेको विधेयकमा सहयोग नगर्ने भन्ने हुँदैन, महतले भने ।
