माओवादी अध्यक्ष प्रचण्ड र एकीकृत समाजवादीका अध्यक्ष माधव कुमार नेपालले जति सुकै तर्क वितर्क गरे पनि प्रधानमन्त्री देउवाले सुन्न त सुने तर धेरै बोलेनन् । गठबन्धन स्रोतका अनुसार देउवाले अब छोडाँै, एमसीसी टेबल गरौँं , प्रकृयामा लैजाऔँ पास फेल जे भए पनि सामना गरौँ भन्ने कुराबाट कुनै दाँयाबाँया नसोचे पछि अन्ततः प्रतिगमन बिरुद्ध भन्दै तयार भएको गठबन्धन जोगाउनकै लागि एमसीसी टेबल गर्न तयार भए । अन्य नेता पनि टेबल गर्ने र आ आफ्नो बिचार अनुसार संसदमा छलफल गर्न सहमत भए ।
ओली सरकारले संसदमा दर्ता गराएको एमसीसी काँग्रेस सरकारले संसदमा पेश गर्न लागेको सरकारका प्रवक्ता ज्ञानेन्द्र कार्कीले बताए ।
एमसीसी संसदमा पेश गर्न दिएर बहस गरेपनि एमसीसीको बिपक्षमा उभिने माओवादी , एकीकृत समाजवादी सहित अन्य घट्टकले तयारी गरेका छन् ।
प्रचण्डको सचिवालयले एक विज्ञप्ति जारी गरी प्रधानमन्त्री एमसीसीलाई रोक्न वा संसदीय प्रकृयामा पठाउन तयार नभएकाले संसदमा लान सम्म सहमति जनाएको स्पष्ट पारेको छ ।
