सत्तारुढ गठबन्धनभित्र एमसीसीका विषयमा खटपट साम्य पार्न नसकेपछि प्रधानन्त्री शेर बहादुर देउवा केपी ओलीतर्फ केन्द्रीत भएका छन् । केही समय अघि वालकोटमै पुगेर ओलीलाई भेटेका देउवाले अहिले साँझ पनि भेट्न पुगेका छन् ।
साँझ सम्म बसेको गठबन्धनको बैठकमा पनि सहमति नभएपछि देउवाले ओलीसँग संवाद गर्न लागेका हुन् ।
यो छलफलमा देउवाले संसद सुचारु गर्न र एमसीसीमा सहयोग गर्न आग्रह गर्ने बताईएको छ ।
एमसीसी संसदमा ल्याउन पनि एमालेको अवरोध कायम रहेकाले कठिन हुने हुँदा संसद खोल्न पनि देउवाको जोड छ ।
एमाले अध्यक्ष ओलीसँग आज दिँउसो मात्रै पनि काँग्रेस नेता मिनेन्द्र रिजाल र ज्ञानेन्द्र कार्कीले भेटेका थिए । अन्य स्तरका नेताले समेत अनौपचारीक रुपमा संवाद गरीरहेको बताईएको थियो ।
एमाले यो गठबन्धन जसरी पनि तोड्न चाहन्छ । यस अघि नै एमाले अध्यक्ष ओलीले गठबन्धन तोडेमा एमसीसी पास गर्न सहयोग गर्ने बचन देउवालाई दिईसकेका छन् ।
माओवादी र एकीकृत समाजवादीले संसद खुल्नु पर्ने, एमसीसी संसोधन गर्नु पर्ने जस्ता पार्टीको बटम लाईन राखिरहेकाले देउवाले अन्य विकल्पमाथि छलफल थालेका हुन् ।
