काँग्रेस वरिष्ठ नेता रामचन्द्र पौडेलले आगामी निर्वाचन सम्मै पाँच दलीय गठबन्धन कायम राख्नु पर्ने सुझाव दिएका छन् । संविधान र व्यवस्थाको रक्षाका लागि पाँच दलीय गठबन्धन चट्टान जस्तै बन्नु पर्ने सुझाए ।
कास्कीको पोखरामा आज कांग्रेस गण्डकी प्रदेश कार्यालयको उद्घाटन गर्दै पौडेलले कुनै पनि पार्टीको एकल बहुमत आउने संभावना नभएकाले गठबन्धन कायम राख्नु आवस्यक भएको बताए ।
कांग्रेससँग ३० प्रतिशत मात्रै मत भएको बताउँदै नेता पौडेलले कांग्रेसभन्दा बाहिर रहेका ७० प्रतिशत मत केन्द्रीत भए फेरी काँग्रेसलाई कठिनाई हुने चेतावनी पनि दिए ।
पौडेलले , ‘राष्ट्रियसभामा तीनजना थिए। अहिले गठबन्धन मिल्दा ६ जना सदस्य पाएको उपलब्धी हो कि होइन ? हैन काँग्रेस भित्रै गठबन्धनको बिपक्षमा रहेका नेतोहरुलाई प्रश्न गरे ।
उनले काँग्रेस बलियो हुन आन्तरीक गुटबन्दी र अन्तरघात रोक्नु पर्ने पनि बताए ।
