आफ्नो पार्टीको नामसँग जुधmाएको भन्दै सर्वोच्च अदालतमा एमाले र माओवादी मिलेर बनेको नेकपा बिरुद्ध मुद्धा हालेका नेकपाका ऋषि कट्टेल आफ्नै पार्टीबाट निष्कासित भएका छन् । उनलाई पार्टी अहितमा काम गरेको आरोपमा साधारण सदस्य समेत नरहने गरी निष्कासन गरिएको विज्ञप्तिमा उल्लेख छ । उनको मुद्धाका कारण नै सर्वोच्चले एमाले र माओवादी ब्युताउने फैसला गरेको थियो ।
सो पार्टीका कार्यवाहक अध्यक्ष तथा एकताको राष्ट्रिय सम्मेलन तयारी समितिका संयोजक लोकनारायण सुवेदीले एक विज्ञप्ति जारी गरी दलको विधान २०६९, राजनीतिक दलसम्बन्धी ऐन २०७३ र नेपालको संविधान विपरित कट्टेलले दलको अहितमा काम गरेको र त्यसका लागि जाँचबुझ गर्न गठन गरिएको समितिको सिफारिसका आधारमा उनलाई निष्कासित गरिएको बताएका छन् ।
सो पार्टीको केन्द्रीय समिति बैठकले माघ ५ गते जाँचबुझ समिति गठन गरी कट्टेललाई स्पष्टीकरण सोधेको थियो । उनले सो निर्देशन अनुसार स्पष्टीकरण सोधेका थिएनन् ।
