काठमाडौं, २९ पुस । नेकपा एमाले सुनसरीको अध्यक्षमा रेवती रमण भण्डारी विजयी भएका छन् । भण्डारीले ९२० मत प्राप्त गर्दा निकटतम प्रतिस्पर्धी खेमराज पोखरेल ७७५ मतमा पाए ।
अध्यक्षका अर्का प्रत्याशी इटहरी उपमहानगरपालिकाका मेयर द्धारिकलाल चौधरीले भने जम्मा ८० मतमात्रै प्राप्त गरे ।
संविधानसभा सदस्य समेत रहेका भण्डारी सुनसरीका प्रभावशाली नेता मानिन्छन् । भीम आचार्यसँगको अन्तरविरोधका कारण उनी २०७४ सालमा प्रतिनिधिसभा सदस्यको टिकटबाट बन्चित भएपछि माधव नेपाल समूह छाडेर केपी ओली पक्षमा लागेका थिए ।
अध्यक्षमा पराजित भएका पोखरेल केही दिनअघिमात्र विवाद समाधानका लागि बनेको अन्तरिम जिल्ला कमिटीको अध्यक्ष थिए । उनी इनरुवा नगरपालिकाका पूर्व मेयर हुन् ।
सुनसरी जिल्ला कमिटीको उपाध्यक्षमा निलम खनाल निर्वाचित भएका छन् भने सचिवमा परशुराम यादव निर्विरोध भइसकेका थिए । उपसचिवमा राम कोइराला र योग्यराज खड्का निर्वाचित भएका छन् ।
विजयी र पराजित उम्मेदवारले पाएको मतपरिणाम हेर्नुस् ।
जम्मा मतदाता- १८०५
अध्यक्ष
रेवती भण्डारी – ९२०
खेमराज पोख्रेल – ७७५
द्वारिक लाल चौधरी -८०
उपाध्यक्ष
नन्दकुमार बस्नेत -७००
निलम खनाल – १०११
उप-सचिव
अन्जनीकुमार पोख्रेल – ४९७
अर्जुन गहतराज – २२९
पदमप्रशाद लिम्बु – ५२५
योग्यराज खड्का – ५६३
लहरुमाया जिमी – २४९
लोकेश निरौला – ४८४
राम कोइराला – ८२१
