काठमाडौं, २७ मंसिर । सर्वोच्चले पुनर्वहालीको आदेश दिएसँगै आज युवा तथा साना व्यवशायी स्वरोजगार कोषका कार्यकारी उपाध्यक्ष डा. देवराज रोका (कल्याण ) ले पदभार ग्रहण गरेका छन् । कोषमा पदभार ग्रहण गर्दै डा. रोकाले युवाहरुलाई रोजगार बनाउने काममा लागि पर्ने प्रतिवद्धता जनाए ।
आफू काम गर्ने मान्छे भएकाले जसको सरकार आए पनि फरक नपर्ने भन्दै यस अघि सरकारले पुर्वाग्रह राखेर बर्खास्त गरेको बताए ।
सर्वोच्चले डा. रोकालाई बर्खास्त गर्ने निर्णय तत्काल कार्यन्वयन नगर्न अन्तरीम आदेश दिएको थियो । ओली सरकारको पालामा नियुक्त भएका डा. रोकालाई देउवा सरकार आएसँगै हटाईएको थियो । त्यसपछि डा. रोकाले सर्वोच्चमा मुद्ध दायर गरेका थिए ।
६५ सालमा स्थापना भए पनि उल्लेख्य प्रगति गर्न नसकि नियमावलीको भरमा मात्रै चलेको कोष झण्डै बन्द हुने स्थितिमा पुगेका बेला डा. रोका आएसँगै गति लिएको थियो ।
