नेकपा एमाले भित्र पुनः असन्तुष्टी बढ्न थालेको छ । महाधिवेशन हुँदै अहिले पछिल्लो समय मनोनित गरेर थपिएका केन्द्रीय सदस्य देखि कार्यविभाजनले पुनः असन्तुष्टी पैदा भएको हो ।
सामाजिक सञ्जालमै पार्टी अध्यक्षमा लडेका भीम रावलले मनोनयन, जिम्मेवारी र कार्यविभाजन हेर्दा ओलीजीको अगुवाईमा हुँदै आएको गुटबन्दीले छलाङ मारेको देखियो भन्दै रावलले यस्तो प्रवृति हटे मात्रै पार्टीको हित हुने चेतावनी दिएका छन् ।
यो देश र जनताप्रति प्रतिबद्ध पार्टी निर्माणको प्रक्रिया नभई गुटस्वार्थ प्रेरित अहं तुष्टिको नमुना हो । रावलले लेखेका छन् ।
४४ जनालाई केन्द्रीय सदस्यमा मनोनयन गर्दा तथा ९९ सदस्यीय पोलिटब्युरो र ४५ सदस्यीय स्थायी कमिटी बनाउँदा छलफल नगरिएको भन्दै ओलीको पक्षमा लाग्दै आएका नेताहरु समेत असन्तुष्ट बनेका छन् ।
केन्द्रीय कमिटिको चयनले तल्लो तहमा समेत कतिपय स्थानमा असन्तुष्टी देखिएका छन् ।
सो कार्यविभाजनप्रति अष्टलक्ष्मी शाक्य, युवराज ज्ञवाली लगायतकाले समेत असन्तुष्टी जनाएका छन् ।
