नेकपा एमालेको १०औँ महाधिवेशनबाट अध्यक्षमा केपी शर्मा ओली दोस्रो कार्यकालका लागि भारी मत ल्याएर बिजयी भएका छन् ।
चितवनको सौराहामा जारी दसौँ महाधिवेशनको मतगणनामा जम्मा खसेको २ हजार ९६ मतमध्ये अध्यक्ष ओलीले १८०८ सय पाएका छन्। भीम रावलले २१३ मत मात्रै पाएका छन् ।
निर्वाचन आयोगका अनुसार मुचुल्कामा हस्ताक्षर गरेपछि औपचारिकरुपमा परिणाम सार्वजनिक गरिने छ।
अहिले उपाध्यक्षको मत गणना सुरु भइसकेको छ। उपाध्यक्षमा पूर्व माओवादी नेता रामबहादुर थापाले अग्रता बनाएका छन्।
उनले ४०० मत कटाउँदा घनश्याम भुसालले ६१ मत मात्रै ल्याएका छन् ।
उपाध्यक्षको सकिएपछि सचिव र केन्द्रीय सदस्यको मत गणना हुने एमाले निर्वाचन आयोगले जनाएको छ।
मंगलबार बिहान ४ बजेदेखि सुरु भएको मतदान साढे ११ बजे सकिएको थियो। २ हजार १५३ मतदातामध्ये २ हजार ११४ मत खसेको केन्द्रीय निर्वाचन आयोगले जनाएको छ।
आयोगले अन्तिम मत परिणाम सार्वजनिक गर्न बाँकी छ । एमाले केन्द्रीय समितिको शपथ र बैठक सौराहामै हुने भएको छ ।
