काठमाडौँ, ८ मङ्सिर । मारुती सिमेन्ट्स लिमिटेडले ओपिसी सिमेन्टको गुणस्तरमा कम्पनीले कहिले पनि ह्रास आउन नदिएको र प्रतिवद्ध रहेको स्पष्ट पार्दै बढाई चढाई एवं कपोलकल्पित रुपमा आएको समाचारको खण्डन एवं निन्दा गरेको छ ।
कम्पनीले आफूहरुले जहिले पनि गुणस्तरलाई ध्यान दिएका कारण ग्राहकको मन जित्न सफल भएको विज्ञप्ति मार्फत जनाएको छ । मारुती नै नेपालको पहिलो निजी क्षेत्रको गुणस्तरीय ओपीसी सिमेन्ट उत्पादन गर्ने कम्पनी भएको र गुणस्तरका कुरामा कहिले पनि ह्रास आउन नदिने कम्पनी प्रतिवद्ध रहेको जनाएको छ ।
साथै कम्पनीले लगातार १५ वर्षदेखि आफ्नो कम्पनीको गुणस्तरलाई मनपराउने ग्राहकवर्गलाई हृदयदेखि नै धन्यवाद दिँदै गुणस्तरका कुरामा प्रतिबद्ध रहेको र यसलाई कहिले पनि ह्रास आउन नदिन आफ्नै ल्याबमा निरन्तर परीक्षण गर्ने गरेको कमपनीको विज्ञप्तिमा जनाईएको छ ।
गुणस्तरीय तथा उत्कृष्ट चुनढुंगा प्रयोग गरी सिराहाको मिर्चेयाबाट उत्पादन हुने यो सिमेन्टको ओपिसी सिमेन्ट निजी संरचना तथा परियोजनाहरुमा अत्याधिक प्रयोग हुँदै आएको छ ।
५३ ग्रेड र ४३ ग्रेडको ओपिसी सिमेन्ट एनएस बाट प्रमाणित उत्पादन गर्ने पहिलो कम्पनी नै मारुती सिमेन्ट हो । मारुती सिमेन्ट एनएस आईएसओ ९००१/१४००१ गुणस्तर चिन्ह प्राप्त गर्ने यो नेपालकै पहिलो कम्पनी समेत हो ।
कम्पनीले मारुती सिमेन्ट ग्राहक एवं उपभोक्ताले निरन्तर प्रयोग गर्नु हुने छ भन्नेमा विस्वस्त रहेको कम्पनीले जनाएको छ ।
हेर्नुस् विज्ञप्तिको पूर्ण पाठ :
