कार्तिक ३०, काठमाडौँ । प्रधानन्यायाधीश चोलेन्द्रशमशेर जबराले राजीनामा दिनुपर्नेमा सर्वोच्च अदालतका १९ जना न्यायाधीश एकमत देखिएका छन् ।
नेपाल बारसँगको आज दिउँसो भएको छलफलमा न्यायाधीशहरूले प्रधानन्यायाधीशले राजीनामा गर्नुपर्ने, तत्कालका लागि प्रधानन्यायाधीशसँग बेन्च सेयर नगर्नेलगायतका विषयमा एकमत रहेको जवाफ दिएका हुन् ।
बारसँगको छलफलमा सर्वोच्च अदालतका १३ न्यायाधीश सहभागी भएका थिए । छलफलका क्रममा न्यायाधीशहरूले बाँकी ५ जना न्यायाधीश छलफलमा नआएपनि प्रधानन्यायधिसले राजिनामा दिनुपर्छ भन्नेमा एकमत रहेको जवाफ दिएको सर्वोच्च अदालत बार एसोसिएसनका सचिव ऋषिराम घिमिरेले बताए ।
न्यायाधीशहरू कुमार रेग्मी, कुमार चुडाल, बमकुमार श्रेष्ठ, तेजबहादुर केसी र मनोजकुमार शर्मा सोमबार र मंगलबार नेपाल बारसँग भएको छलफलमा अनुपस्थित थिए । पाँच न्यायाधीशको फरक मतबारे अन्य न्यायाधीशले बारका पदाधिकारीलाई भनेका थिए, ुपाँच जनाको थप कुरा यत्रो ३ हप्तासम्म मुद्दा नहेर्दा सेवाग्रहीमा प्रभाव पर्यो । बन्दीप्रत्यक्षीकरण, बन्दी मिलापत्र, मुद्दा फिर्ता र तामेली ९पेन्डिङ० मा पठाउने मुद्दा हेर्नुपर्छ भन्ने उहाँहरूको कुरा हो ।ु पाँच जनाको समूहमा रहेका न्यायाधीशहरूले मंगलबार यी चार प्रकारका मुद्दा पनि हेरेका थिए । यी बाहेकका मुद्दा हेर्न नमिल्ने भनी सर्वोच्च अदालतको वेबसाइटमा उल्लेख गरिएको छ ।
बारको आन्दोलनमा १९ जना न्यायाधीशको समान धारणा रहेको पनि न्यायाधीशहरूले भनेका घिमिरेले बताए । नेपाल बार एसोसिएसन र सर्वोच्च अदालत बार एसोसिएसनका पदाधिकारीले न्यायाधीशहरूलाई सोमबार आफ्नो धारणा सुनाएका थिए । बारले प्रधानन्यायाधीशको राजीनामा मात्रै जारी विवादको समाधान रहेको बताएका थिए । त्यस बाहेकमा न्यायाधीशहरूले सहमति जनाए बारले साथ नदिने पनि चेतावनी बारले दिएको थियो ।
