कार्तिक २८, काठमाडौँ । नेपाल बारको जारी आन्दोलन बिथोल्न अदालत अगाडि युवाहरुले प्रदर्शन गरेका छन् । सर्वोच्च अदालतको प्रांगणमा वकिलहरुले प्रदर्शन गरिरहेको बेला सर्वोच्च अगाडि युवाहरुले प्रधानन्यायाधीश चोलेन्द्र शमशेर जबराको पक्षमा नाराबाजी गरेका हुन् ।
विभिन्न प्ले कार्डसहित आएका युवाहरुले प्रदर्शन गरेपछि प्रहरीले उनीहरुलाई रोकेको थियो । मोटरसाइकल र्यालीसहित प्रदर्शनमा आएका ती युवाहरुले ‘न्याय बेच्न पाइँदैनु लगायतका नारा लगाउँदै प्रदर्शन गरेका थिए । प्रहरीले उनीहरुलाई केहीबेरपछि त्यहाँबाट हटाएको थियो ।
यसैबीच, नेपाल बार एसोसिएसनका महाचसिव लीलामणि पौडेलले आफूहरुको आन्दोलन बिथोल्न भिजिलान्ते प्रयोग भएको आरोप लगाएका छन् ।
बारको आन्दोलन भईरहेकै बेला प्रधानन्ययधिसको पक्षमा युवाहरुले नाराबाजी गर्दै प्रदर्शन गरेपछि बारका हमासचिव पौडेलले राष्ट्रिय झन्डाको दुरूपयोग गरेर घुस कमिसनबाट आएको पैसाबाट न्यायको आवाज थुन्न भिजिलान्ते र भाडाका ट्टुहरू प्रयोग भएको आरोप लगाए ।
आफुहरुको आन्दोलन बिथोल्न भिजिलान्ते र भाडाका ट्टुहरू प्रयोग गरि अपमान गर्न खोजीएको बताए । यस्तै, राष्ट्रिय मानवअधिकारी आयोगकी पूर्व सदस्य मोहना अन्सारीले प्रधानन्यायाधीशको उक्साहटमा प्रदर्शन भएको टिप्पडि गरिन् ।
