नेकपा एकीकृतका महासचिव वेदुराम भुषालले एमालेको विधान महाधिवेशनलाई कुम्भमेलाको संज्ञा दिएका छन् । उनले आज आयोजित एक कार्यक्रममा बोल्दै एमालेको महाधिवेशन सरकारमा हुँदा भ्रष्टाचार गरेर कमाएको करोडाँै रकम खर्च गरेर मोज मजा गरेर भोज खाएर अन्तिममा ओलीको प्रशंसामा गीत गाएर समाप्त हुने टिप्पणी गरेका छन् ।
भुषालले ओलीको प्रशंसामा गीत गाउने कुम्भ मेला बाहेक एमालेको महाधिवेशनमा कुनै कुरा नदेखिएको भन्दै त्याहाँ कुनै पनि विचार र दृष्टिकोण नभएको तर्क गरे ।
घनश्याम भुषालको फरक मत समेत प्रस्तुत गर्न नदिईएको भन्दै उनले आगामी निर्वाचनमा एमाले एक्लैले बहुमत ल्याउने कुरा असंभव भएको ठोकुवा गरे ।
रेल, पानी जहाजको हावादारी गफ जस्तै एमालेको आगामी निर्वाचनमा बहुमतको कुरा पनि त्यस्तै हुने भुषालको जिकिर छ ।
उनले प्रधानमन्त्री देउवाले संसद विघटन गरेर अर्लि ईलेक्सनमा जाने कुरा संभव नभएको भन्दै अब छिट्टै सरकार विस्तार हुने दाबी पनि गरे ।
