अहिले एमालेको विधान महाधिवेशन चलिरहेको छ । हिजो उद्घाटन भएको विधान अधिवेशनमा राजनीतिक एजेण्डा र विधानको विषय भन्दा पनि ओलीका तस्वीरमय विषयहरुको सार्वजनिक चर्चा भयो । केपी ओली आईलभ यु , आज होईन भोलीलाई , दश बर्ष ओलीलाई जस्ता गीतहरु गुञ्जाईएका थिए ।
गाडी देखि अधिवेशन स्थल सम्म र मञ्चदेखि पानीका बोतल सम्मलाई ओलीमय बनाईएको महाधिवेशनको दोस्रो दिन समुहगत प्रतिनिधिहरुले पार्टीलाई संस्थागत बनाउनु पर्ने र व्यक्ति केन्द्रीत हुन नहुने आज सुझाव राखेका छन् ।
आज बोल्ने प्रदेश १ का टोली नेता भानुभक्त ढकालले व्यक्ति नभई पार्टी र नीति स्थापित हुनु पर्ने सुझाव दिए ।
बागमती प्रदेशको समुहमा पनि व्यक्तिलाई ब्रान्डिगं गर्ने कि पार्टीलाई भन्ने फरक फरक धारणा आएको समुह नेता आनन्द पोखरेलले रिपोर्टका क्रममा व्यक्त गरेका थिए ।
आज १० समुह मध्य ५ जना टोली नेताले सुझाव राखेका थिए । विधान महाधिवेशनमा ६ हजार बढी नेता कार्यकर्ता सहभागी छन् ।
समुहका नेताहरुले एमसीसीबारे पार्टीको धारणा स्पष्ट हुनु पर्ने पनि सुझाव दिएका थिए ।
बाँकी पाँच टोलीको तर्फबाट भोली सुझाव राखिने छ । त्यस पछि नेताहरुले जवाफ दिने छन् ।
