संसदमा जारी गतिरोध अन्त्यका लागि सहमति जुटाउने प्रयासका लागि सभामुख अग्नी सापकोटाले बोलाएको सर्वदलीय बैठक शुरु भएको छ । अन्तराष्ट्रिय सम्मेलन केन्द्रको लोत्से हलमा शुरु भएको बैठक प्रतिपक्षी एमालेले भने बहिष्कार गरेको छ । बैठकमा प्रधानमन्त्री शेरबहादुर देउवा, माओवादी केन्द्रबाट पुष्पकमल दाहाल, नेकपा एकीकृत समाजवादीबाट माधव नेपाल, जसपाबाट उपेन्द्र यादव, लोसपाबाट महन्त ठाकुर, नेमकिपाबाट प्रेम सुवाल, जनमोर्चाबाट दुर्गा पौडेल, कानूनमन्त्री ज्ञानेन्द्र बहादुर कार्की सहभागी छन्।
संसदमा प्रतिनिधित्व गर्ने दलका नेताहरूसँग अहिले देखिएको गतिरोध अन्त्य गर्न बैठक बोलाइएको हो ।
एमाले संसदीय दलका प्रमुख सचेतक विशाल भट्टराईले सभामुखले बोलाएको बैठकमा आफूहरू सहभागी नहुने बताए ।
माधव नेपाल सहितका १४ जना सांसदलाई कार्बाहीको सुचना नटासेको भन्दै सभामुखसँग एमाले आक्रोशित बनेको छ । उसले निरन्तर संसद अवरुद्ध गरिरहेको छ ।
