ओमनमा पपुवा न्युगिनी बिरुद्धको दोस्रो खेलमा नेपालले २३४ रनको चुनौती दिएको छ । शुरुमै धर्मराएको नेपाली ब्याटींगलाई रोहित पौडेलले सम्हाले । उनले ३ छक्का र २ चौकाको मद्धतमा ८६ रन बटुलेपछि नेपालले २ रनको स्कोर खडा गर्न सफल रह्यो । नेपालले ४९.२ ओभरमा अलआउट हुँदै २३३ रन जोड्यो ।
नेपालका ओपनर कुसल भुर्तेल र आशिफ सेख समान तीन तीन रनमा पेभिलियन फर्किएपछि शुरुवाती संकट व्यहोरेको नेपालको पारी उकास्न कप्तान ज्ञानेन्द्र मल्ल र रोहित पौडेलले राम्रो भूमिका खेले । कप्तान मल्ल पनि ४५ रनमा आउट भए ।
त्यसपछि करण केसीले पनि बिष्फोटक ब्याटींग गर्दै नेपालको स्कोर उकासे । उनले २६ बलमा ४२ रन बनाए । उनले चार छक्का र २ चौका हिर्काए । विनोद भण्डारीले १७ र सोमपाल कामीले ११ रन बनाए । कुसल मल्ल १ रनमा आउट भए भने विक्रम सोब एक रन र सन्दीप लामीछाने शुन्य रनमा आउट भए ।
अब पपुवा न्युगीनीले जवाफी व्याटीगं गर्ने छ ।
नेपालले पहिलो खेलमा न्युगीनीलाई २ विकेटले हराएको थियो ।
